မတော်တရော် (၁)

မတော်တရော် ...

ကာမမင်းသားရေး ၍ အိပ်မက်သခင် အနည်းငယ်ပြင်ဆင်၍ ရိုက်တင်ပေးသည်။
အကိုရင်းပမာ ခင်မင်ရသော ကိုနတ်သားဘလော့တွင် တင်ဆက်သည်။

ရန်ကုန်မြို့ မောင်ထော်လေးလမ်းရှိ တည်းခိုခန်းတစ်ခု၏ ဧည့်ခန်းအတွင်းတွင်
လူနှစ်ယောက် တီးတိုးစကားပြောနေကြသည်။ တစ်ယောက်က အရပ်အနည်းငယ်ပုသော
လူရည်သန့် တစ်ဦးဖြစ်ပြီး၊ နောက်တစ်ယောက်ကတော့ ပထမလူထက်
အသက်အနည်းငယ်ကြီးပုံရပြီး လူကောင်ထွားထွား၊ အသားညိုညို
မြင့်မြင့်နှင့်ဖြစ်သည်။
''အကိုညိုကလည်း ဒါလေးတောင် ဖြစ်အောင်မလုပ်ပေးနိုင်ဘူးလား။''
လူထွားကြီးက အရပ်ပုပုလူကို စိတ်ပျက်လက်ပျက်နှင့်ပြောသည်။
''ဇော်ကြီးကလဲကွာ... ငါလဲ တစ်နေကုန်ထွက်ပြီးလိုက်ရှာနေတာပဲ အခုဟာက
စီမံချက်ရှိလို့တဲ့ကွ''
''ဟူး''
ဇော်ကြီး ဆိုသော လူထွားကြီး စိတ်ပျက်လက်ပျက်နှင့် လေပူတစ်ချက်ကိုမှုတ်ထုတ်လိုက်သည်။
''ဇော်ကြီးကလဲကွာ.... စိတ်မပျက်ပါနဲ့ ... နောက်တစ်ခေါက်တော့ရမှာပါကွာ...
အရင် အခေါက်တွေကလည်းငါရအောင်ရှာပေးခဲ့တာဘဲဟာ...''
ကိုညိုဆိုသောလူက လေပြေထိုး၍ ဇော်ကြီးကိုဖျောင်းဖျသည်။
ဇော်ကြီးက ကုလားထိုင်နောက်မှီပေါ် လှန်၍တင်ထားသော သူ့ခေါင်းကိုခါယမ်းလိုက်သည်။
ဒီကိစ္စမျိုးနှင့် ပတ်သက်လာလျှင် ဇော်ကြီးကို ဖျောင်းဖြ၍ရမည် မဟုတ်မှန်း
ကိုညိုကောင်းကောင်းသိသည်။
သူတို့နှစ်ယောက်လုံးပဲခူးတိုင်း ညောင်လေးပင်မြို့နယ်အတွင်းရှိ
ကြာအင်းကြီးရွာမှာနေသော လူများဖြစ်ကြသည်။
ဇော်ကြီးက ရွာမှာသစ်ခွဲစက်ရှိသည်။ ကိုညိုက သူ့မန်နေဂျာဖြစ်သည်။ ဇော်ကြီးက
လူပျိုကြီးဖြစ်ပြီး ကိုညိုက ကလေးနှစ်ယောက်အဖေဖြစ်သည်။
သူတို့ နှစ်ယောက်တစ်လလျှင် နှစ်ခေါက်လောက်ရန်ကုန်သို့ တက်၍
ပျော်ပါးနေကြဖြစ်သည်။ အခု သူတို့ပျော်ပါးရာ  ကြက်လေးတွေက
ပျောက်ခြင်းမလှပျောက်၍ နေသည်။ ကိုညို တစ်နေ့ခင်းလုံး လှည့်ရှာတာတောင်
တစ်ယောက်မှ မရခဲ့ပေ။
ကိုညို ခြေမကိုင်မိ လက်မကိုင်မိဖြစ်နေသည်။ဇော်ကြီး သူ့ အပေါ်
ငြိုငြင်မှာလဲကြောက်သည်။ ပစ္စည်းကလဲ ရှာမရဖြစ်နေသည်။
ကုလားထိုင်နောက်မှီပေါ် လှန်တင်ထားသော ဦးခေါင်းအား ဇော်ကြီးက
ဆတ်ခနဲထောင်လိုက်သည်။ ပြီးတောင့် ဧည့်ခန်းထောင့် ကောင်တာဒေါင့်မှ
ကောင်တာတွင် တစ်စောင်ပြီး တစ်စောင်ကူးရေးနေသော တည်းခိုခန်းမန်နေဂျာထံသို့
လှမ်းကြည့်လိုက်သည်။
''မန်နေဂျာကြီး''
တည်းခိုခန်းမန်နေဂျာက ဇော်ကြီးထံ လှမ်း၍ကြည့်သည်။
''ခင်ဗျားတို့ တည်းခိုခန်းမှာ တော်တော့်ကိုလူရှင်းနေပါလားဗျ...။''
''ဟဲဟဲ .. ဟုတ်တယ်ဗျ..။ ဆရာတို့ ဘာများလိုအပ်လို့လဲ..။''
တည်းခိုခန်းမန်နေဂျာက သူ့မျက်နှာမှ မျက်မှန်ကိုချွတ်ရင်း
ဇော်ကြီးထံလှမ်းပြောလိုက်သည်။
''အော် ... ပျင်းစရာကောင်းနေလို့ပါဗျာ...။ ပျော်စရာလေးဘာလေးများမရှိဘူးလားလို့ပါ။''
''အဟဲ...''
အသက် ၄၀ လောက်ရှိပြီဖြစ်သော တရုတ်ကပြားမန်နေဂျာက စဉ်းစားသလို
တစ်ချက်လုပ်လိုက်သည်။ ပြီးမှ...
''ဒီမှာက စီမံချက်ရှိတယ်ဗျ... ။ ဒါကြောင့် ဒီလောက်ရှင်းနေတာ။''
''ကြံစမ်းပါဦးဗျာ...။ ကျုပ်တို့က ဧည့်သည်တွေဆိုတော့ ဒီမှာက
သိပ်ပြီးကျွမ်းကျင်တာ မဟုတ်ဘူးဗျ...။''
ဒီတစ်ခါတော့ ကိုညိုက ၀င်ပြောလိုက်ခြင်းဖြစ်သည်။
''တစ်ခုတော့ရှိတယ်ဗျ...။''
''အင်း ... ဆိုစမ်းပါဦး..။'' ''ပြောပါဦးဗျ...။''
ဇော်ကြီးရော ကိုညိုပါ ပြိုင်တူလိုလိုမေးလိုက်မိသည်။
''ကျုပ်အသိတစ်ယောက်ရှိတယ်။ လုပ်မလုပ်တော့မသိဘူး။ သူက လုပ်စားနေတဲ့သူတော့မဟုတ်ဘူး။
သူ သဘောတူလို့ လုပ်မယ်ဆိုရင်တော့ ဈေးတော့ တော်တော်တောင်းလိမ့်မယ်ထင်တယ်။''
''ဒါက အရေးမကြီးပါဘူးဗျာ။ သားသားနားနားတော့ရှိတယ်မဟုတ်လား။''
ဇော်ကြီးက အားတက်သရောပြောသည်။
''ဟာ... သားနားရုံတင်မဟုတ်ဘူး။ ချောလဲချောတယ်။ တောင့်လဲတောင့်တယ်။ အသက်က
၂၅လောက်ပဲရှိသေးတာ...။ အသားကလည်း ဖြူဖြူလေး....။''
''ဟုတ်ပြီဗျာ..။ ခင်ဗျားရအောင်သာ လုပ်လာခဲ့...။ ခင်ဗျားအတွက်လည်း
ကျုပ်သပ်သပ်ထပ်ပေးဦးမယ်။''
''ရပါတယ်ဗျာ။ ခင်ဗျားတို့က ဒီတည်းခိုခန်းရဲ့ ဖောက်သည်တွေမို့ကျုပ်က ကူညီတာပါ။''
ဇော်ကြီးက သူ၏လက်ထဲမှ ရွှေရောင် လက်ပတ်နာရီကိုကြည့်လိုက်သည်။
''အခုမှ သုံးနာရီပဲရှိသေးတာ... ဒီညမီနိုင်တာပေါ့။''
''သူသဘောတူရင် တစ်ခါထဲခေါ်လာလို့ရတယ်။ ခင်ဗျားတို့ စားသောက်ပြီးတော့သာ
အဆင်သင့်စောင့်နေပါ။''
''ကောင်းပါပြီဗျာ... ။ ဒါနဲ့ မန်နေဂျာကြီးနဲ့ သိနေတာကြာပြီ။ နာမည်တော့
ကျုပ်တို့မသိသေးဘူး။''
ကိုညိုကလူရည်လည်သည်။ အပြောအဆိုညက်သည်။
''ကျုပ်နာမည်က တရုတ်လို စိန်ချောင်း၊ ဗမာလို စိန်မြင့်လို့ခေါ်တယ်။''
''အေးဗျာ ... ကျုပ်တို့နာမည်တွေလည်း မှတ်ပုံတင်ထဲမှာတွေ့ပြီးရောပေါ့။
အောင်မြင်အောင်သာ လုပ်ခဲ့ပါဗျာ။ ဇော်ကြီးက ခင်ဗျားအတွက်
ဘောက်ဆူးကောင်းကောင်းပေးမှာပါ။ အော် ဒါနဲ့ ကျုပ်တို့က နှစ်ယောက်စလုံး
အလုပ်လုပ်မှာနော်။ ခင်ဗျားကို ကြိုပြောထားတာ... ဟဲ...ဟဲ။''
''ဟုတ်ပါပြီဗျာ။ ကျွန်တော် ခဏနေရင်သွားလိုက်ပါ့မယ်။''
''ကဲ ... ကိုညို ကျုပ်တို့လည်း ထမင်းလေးဘာလေး စောစောစီးစီးသွားပြီး
စားလိုက်ကြရအောင်လား။''
ဇော်ကြီးက ပြောပြောဆိုဆို ထရပ်လိုက်သဖြင့် ကိုညိုကပါ ထရပ်လိုက်ပြီး
နှစ်ယောက်စလုံး တည်းခိုခန်းတံခါးဆီသို့ လျှောက်၍ထွက်လာခဲ့တော့သည်။
---
တိုက်ပျက်အဆောက်အဦးတစ်ခု ၊ ပတ်လည်ကာရံထားသော နံရံတွေက
အချို့နေရာများတွင် ပြိုကျ၍ အပေါက်ကြီးများဖြစ်နေသည်။ထိုနေရာများကို
ဝါးတားပရုဟုခေါ်သော ပလတ်စတစ် အပြာရောင်များနှင့်ကာထားသည်။ တိုက်ပျက်တွက်
အမိုးမရှိ၍ ၀ါးလုံးတန်းထိုးကာ အပေါ်မှ တာလပတ်(တာပေါ်လင်)စ
အစိမ်းရောင်ကြီးကို မိုး၍ထားသည်။ ထိုတာလပတ်မှာ
ဆေးရောင်များပြယ်နေပြီဖြစ်ပြီး အချို့နေရာများတွင်
အပေါက်တွေတောင်ဖြစ်နေပြီ။ ထိုတိုက်ပျက်အဆောက်အဦးမှာ
ပုဇွန်တောင်ဈေးအနီးတွင်ရှိပြီး ထိုတိုက်ပျက်အတွင်းတွင်တော့
ယောက်ျားမိန်းမ၊ ကလေးလူကြီး စုစုပေါင်း၈ယောက်တိတိရှိသေး၏။
အားလုံးသောလူသားများမှာ ဟောင်းနွမ်း၍ အရောင်မပေါ်တော့သည့် အ၀တ်အစားများကို
ဝတ်စားထားကြပြီး အချို့ကထင်းမီးဖိုနှင့် ထမင်းချက်နေကြသည်။ တချို့က
တိုက်ပျက်ရှေ့ရှိ ရေဘုံဘိုင်တွင် အ၀တ်လျှော်နေကြသည်။ တချို့ကတော့
တိုက်ပျက်ကြမ်းခင်းတွင် တုံးလုံးပက်လက်လှဲနေကြသည်။
အားလုံးထဲတွင် ထူးခြားသည်ကတော့ အသက်၂၅နှစ်လောက်ရှိသော
မိန်းကလေးတစ်ယောက်ဖြစ်သည်။ အသားဖြူဖြူ၊ ချောချောလေးနှင့်
ပါတိတ်ပွင့်ရိုက် အစိမ်းရောင်ဝမ်းဆက်လေးကို ၀တ်ထားပြီး
ဆံပင်ကိုနောက်တွဲလေးထုံးထားကာ သနပ်ခါးအဖွေးသားလေးနှင့်
သန့်သန့်ရှင်းရှင်းသပ်သပ်ရပ်ရပ်ကလေးဖြစ်ကာ ၈နှစ်သားလောက်ရှိသော
ကလေးမလေးတစ်ယောက်ကို သနပ်ခါးလိမ်းပေးနေသည်။
''ဒေါ်လေး သမီးတို့နဲ့ တစ်သက်လုံးနေသွားပါလား။''
''အော်... နေချင်တာပေါ့ကလေးလေးရယ်...။ ဒေါ်လေးမှာလဲ ကိစ္စ၀ိစ္စတွေရှိသေးတယ်။''
''ဒါဆို ဒေါ်လေးဘယ်တော့ပြန်မှာလဲဟင်...။''
သူ့ကိုသံယောဇဉ်ဖြစ်နေပုံရသော ကလေးမလေးအား စိတ်မကောင်းစွာနှင့်ကြည့်လိုက်သည်။
''အင်း ... တစ်နှစ်လောက်တော့ ကြာဦးမယ်ထင်တာပဲကွယ်...။''
သူမ၏ အသံက တိမ်ဝင်သွားပြီး ကြည်လဲ့ဝိုင်းစက်နေသော
သူမ၏မျက်လုံးဝိုင်းဝိုင်းလေးများတွင် မျက်ရည်များဝဲလာသည်။
''ပွမ်... ပွမ်..... ပွမ်....''
တိုက်ပျက်ကြီးရှေ့မှ ကားဟွန်းသံကြားလိုက်ရသည်။ ပါတိတ်ဝမ်းဆက်နှင့်
မိန်းကလေးက လှမ်း၍ကြည့်လိုက်သည်။
အငှားလိုက်သည့် တက္ကစီကားလေးတစ်စီးရပ်လိုက်ပြီး ကားခေါင်းခန်းတံခါးပွင့်၍
တရုတ်ကပြားတစ်ယောက်ဆင်း၍လာသည်။
''ဟင်... အကိုစိန်မြင့်''
ပါးစပ်မှရေရွတ်လိုက်ပြီးသည်နှင့် ပါတိတ်ဝမ်းဆက်နှင့်မိန်းကလေးက
အပြင်သို့ပြေးထွက်လာခဲ့သည်။ ကားလေးပြန်၍မောင်းထွက်သွားသည်။